Almatyda jas kásipodaq belsendileriniń tórtinshi forýmy ótti

ALMATY. QazAqparat - Almatyda jas kásipodaq belsendileriniń tórtinshi forýmy ótti. Sharaǵa qaladaǵy 38 joǵary oqý ornynyń stýdentteri qatysty, dep habarlaıdy 24.kz.

Forýmǵa kelgen talantty jastar egemendik jyldary qol jetken tabystardy talqylap, bolashaq josparlaryn pysyqtady. Stýdentter elimizde oqımyn degen talapty jasqa barlyq jaǵdaıdyń jasalǵanyn atap ótti. Jalpy, «Parasat» kásipodaǵyna 100 myńǵa jýyq adam múshe. Onyń 90 myńǵa jýyǵy - stýdentter. Tek bıyldyń ózinde uıym qataryna 20 myń stýdent ótken.

«Jalpy kásipodaq, sonyń ishinde stýdentter  kásipodaǵy stýdentterdiń damýyna, jastardyń qundylyqtarynyń ósýine, tulǵa bolyp qalyptasýyna úlken eleýli úlesin qosatyn orta bolyp tabylady»,-deıdi Ál-Farabı atyndaǵy QazUÝ stýdenttik kásipodaq uıymynyń tóraıymy Shuǵyla Búrlibaeva.