Almatyda Jas ınspektorlardyń sleti ótip jatyr

dep habarlaıdy QazAqparat.

Almaty qalasy ІІB Jol polıtsııasy basqarmasynyń uıymdastyrýymen 37-shi ret ótip otyrǵan sharaǵa 7 mektep oqýshysy qatysýda.

Jol polıtsııasy basqarmasynyń bastyǵy Muqan Dosymbaevtyń aıtýynsha, mundaı shara aldymen qalanyń ár aýdanynda ótken jáne olardyń úzdikteri qalalyq saıysqa qatysýǵa joldama alǵan.

«Bul jol qozǵalysyn retteıtin ári onyń qatysýshylaryn tártipke, jaýapkershilikke ıtermeleıtin mańyzdy shara desem bolady. Jol qaýipsizdigi men uqyptylyqty qamtamasyz etýde oqýshylardyń róli orasan. Qazirgi ýaqytta kóptegen mektepterdegi tómengi synyp oqýshylaryna tálim-tárbıe berý jumystaryn joǵary synyp oqýshylary júrgizýde, bul óte durys sheshim dep oılaımyn», deıdi M.Dosymbaev.

Atalmysh sharaǵa qatysýshy oqýshylar «Jas retteýshi», «Úzdik medbıke», «Saptyq daıyndyq», «Úzdik úgit brıgada» sııaqty atalymdar boıynsha synǵa túsýde. Bul synnan súrinbeı, úzdik shyqqan komanda 30-shy mamyr men 7-shi maýsym aralyǵynda Shymkent qalasynda ótetin respýblıkalyq 10-shy slette baq synaıtyn bolady.