Almatyda jas ǵalymdardyń alqaly jıyny ótedi
ALMATY. Aqpannyń 9-y. QazAqparat /Erlik Erjanuly/ - Almatyda aqpannyń 10-y kúni «Jastardyń ǵylymy - QazUÝ-dyń ǵylymı áleýetin damytýdyń negizi» dep atalatyn dóńgelek ústel májilisi ótedi,
dep habarlaıdy QazAqparat ýnıversıtettiń baspasóz qyzmetine silteme jasap.
Ony - Jas ǵalymdar keńesi men Qazaqtyń ál- Farabı atyndaǵy ulttyq ýnıversıtetiniń Ǵylym jáne ınnovatsııalyq qyzmet jónindegi departamenti uıymdastyryp otyr. Bul shara «Intellektýaldy ult - 2020» jobasynyń aıasynda joǵary oqý ornynyń jas ǵalymdarynyń ǵylymı áleýetin damytýǵa arnalǵan. Onda - Ǵylym men bilimdi ıntellektýaldy ultty damytýdyń negizi retinde biriktirý; Intellektýaldy ult jáne memlekettik til; Ǵylymı ıdeıalardy óristetý qabiletin damytý jáne ony «Intellektýaldy ult - 2020» tujyrymdamasy aıasynda júzege asyrýdyń róli; Ǵylymdy qarjylandyrý: máseleleri jáne balama kózderi; Qazirgi jaǵdaıdaǵy IT tehnologııalar boıynsha mamandardy daıyndaý; Hımııalyq tehnologııalar salasynda mamandardy daıyndaý isine jańasha qatynas; Aýyl halqynyń bilimin qalyptastyrýdaǵy ekstenshınniń roli; Stýdentter, magıstranttar men jas ǵalymdardyń ǵylymı baǵdaryn qalyptastyrý máseleleri talqyǵa túsedi dep josparlanyp otyr.
