Almatyda jas ǵalymdardyń 3-shi ǵylymı-tájirıbelik konferentsııasy ótti
ALMATY. Jeltoqsannyń 10-y. QazAqparat /Erbol Azanbek/ - Almatydaǵy QR Tuńǵysh Prezıdentiniń qorynda halyqaralyq «Innovatsııalyq damý jáne qazirgi Qazaqstandaǵy ǵylymnyń talaby» atty jas ǵalymdardyń 3-shi ǵylymı konferentsııasy ótti,
dep habarlaıdy QazAqparat.
«Konferentsııanyń basty maqsaty - jas ǵalymdardyń shyǵarmashylyq belsendiligin arttyrý, olardy qazirgi zaman ǵylymyndaǵy ózekti máselelerdi sheshýge tartý, ǵylym-bilim keńistiginiń damýyn saqtaý» deıdi QR Tuńǵysh Prezıdenti qory janyndaǵy jas ǵalymdar keńesiniń tóraıymy Gúlmıra Ábdiraıymova. Bıylǵy konferentsııaǵa 200-den astam jas ǵalymdardan 384 baıandama kelip túsken. «Baıandamalardyń sapasy artqan. Bıyl memlekettik tildegi jumystar kóbeıdi», deıdi qazylar alqasynyń múshesi, QazUÝ-diń professory Dmıtrıı Korýlkın.
Máslıhat aıasynda "Úzdik jas ǵalymdar keńesi" atalymy boıynsha 1-shi oryndy Ál-Farabı atyndaǵy QazUÝ, 2-shi oryndy M.Ótemisov atyndaǵy Batys Qazaqstan memlekettik ýnıversıteti, 3-shi oryndy D.Qonaev atyndaǵy Taý-ken ınstıtýty enshiledi. Olardyń árqaısysyna QR Tuńǵysh Prezıdenti qory atynan 750 myń teńge kóleminde syılyq berildi.
