Almatyda jas ǵalymdar ónertabystaryn stand up formatynda tanystyrdy
12 jas ǵalym men zertteýshi kórermender men qazylar alqasyna óz jobalaryn usyndy. Baıqaýǵa birqatar ýnıversıtetterdiń stýdentteri, magıstranttary, PhD doktoranttary jáne Astana qalasynan kelgen Nazarbaev Zııatkerlik mektebiniń 11-synyp oqýshylary qatysty.
«Science Slam» baıqaýynda jas ǵalymdar stand up formatynda óz jetistikterin aıtty. Ár qatysýshynyń sóıleýine 10 mınýttan ýaqyt berildi. Bul formattyń bir talaby - ǵalymdar óz sózinde ǵylymı termınologııany paıdalanbaýy tıis.
Baıqaýda jas ǵalymdar ǵylymmen aınalysýdyń qanshalyqty qyzyqty ekenin alǵa tartty. Komandalardy QR Tuńǵysh Prezıdenti qory janyndaǵy Ǵylym keńesiniń músheleri, táýelsiz sarapshylar men kórermen baǵalady.
«Jas ǵalymdar ǵylymı ıdeıalardy, jobalardy júzege asyrady. Alaıda ony jaryqqa shyǵarýǵa múmkindik bola bermeıdi. Sondyqtan Tuńǵysh Prezıdent Qorynyń basty maqsatynyń biri - talantty jastardy qoldaý, olarǵa barynsha kómektesý», - dep atap ótti QR Tuńǵysh Prezıdenti qory jobalarynyń aǵa úılestirýshisi Roza Edigeeva.
Ǵylymdy taratýdyń bul jobasy Germanııada paıda bolǵan. Baıqaý Reseıde belsendi ótkizilip jatyr, al bizde endi tanylyp keledi. Baıqaý elimizde osymen tórtinshi ret ótkizilýde.
Konkýrs qorytyndysy boıynsha, Qazaq ulttyq agrarlyq ýnıversıtetiniń stýdenti Arnur Tatybekov jeńimpaz atandy. Ekinshi oryndy Súleıman Demırel ýnıversıtetiniń ekinshi kýrs doktoranty Darhan Qýanyshbaı jeńip aldy. Úshinshi orynǵa ál-Farabı atyndaǵy Qazaq ulttyq ýnıversıtetiniń stýdenti ıÝrıı Moskvın laıyq dep tanyldy.
Slemerlerge (qatysýshylarǵa) QR Tuńǵysh Prezıdenti qory baǵaly syılyqtar tabystady.
Oljas Omarbek