Almatyda jas bala qorlyq kórsetken múgedek áıeldiń kim ekeni anyqtaldy
ALMATY. QazAqparat - Almaty oblystyq ІІD balanyń qorlyǵyna qalǵan múgedek áıeldiń kim ekenin anyqtady, dep habarlaıdy QazAqparat tilshisi.
Áıel balanyń isine bola polıtsııaǵa aryzdanbaǵan.
Almaty oblystyq ІІD baspasóz qyzmetiniń jetekshisi Sergeı Neznaev aıtqandaı, áıel turǵylyqty jeri joq adam eken.
«Biz áıeldiń kim ekenin anyqtadyq. Onymen sóılestik. Ekspertıza jasalmaǵandyqtan, tolyq aıta almaımyz. Biraq syrtqy belgilerine sáıkes áıel adam psıhologııalyq aýytqýy bar ekeni kórinip tur. Ol balanyń áreketin ózine jasalǵan qorlyq dep túsinip otyrǵan joq. Sondyqtan, balaǵa aryz jazbaıtynyn aıtty», - dedi Sergeı Neznaev.
Japa shekken áıel aryz jazýdan bas tartsa da oblystyq jasóspirimder polıtsııasy balany izdestirýdi jalǵastyra bermek.
«Balanyń áreketi qoǵamdyq rezonans týǵyzdy. Onyń tárbıesine qarap otyryp, ata-anasymen, aınalasymen áńgimelesý kerektigin túsindik. Qazir polıtsııa qyzmetkerleri balanyń bet-júzin aıqyndap qaldy. Vıdeoda ózderińiz baıqaǵandaı, balanyń beti anyq kórinbeıdi. Fotosýretti jaqyn aradaǵy aýdandarǵa tarattyq. ıÝvenaldy polıtsııa balany mindetti túrde tabady», - dedi Sergeı Neznaev.
Aıta ketý kerek, Facebook jelisinde jarııalanǵan rolık kópshiliktiń narazylyǵyn týdyrǵan bolatyn.
Beınekadrda 7-8 jastaǵy bala múmkindigi shekteýli áıeldi balaǵattap, ústine sý shashqan. Áıel paketinen ıogýrt alyp berse de, bala aınalyp kelip ıogýrtty áıeldiń basyna tókken.
