Almatyda jas áıel kishkentaı balalaryn óltirip, óz ómirimen qoshtasqan
ALMATY. 25 sáýir. QazAqparat /Ádilet Musahaev/ - Almatyda jas áıel kishkentaı balalaryn óltirip, óz ómirimen de qoshtasqan.
Bul jaıynda Almaty qalasy ІІD-niń baspasóz qyzmeti málim etti.
Bul qaıǵyly oqıǵa Medeý aýdanyndaǵy saıajaılardyń birinde oryn alǵan. Ótken senbi kúni saǵat 3-ter shamasynda óz úıinde 36 jasar áıel men 11 jáne 6 jasar kishkentaı eki ulynyń múrdesi tabylǵan. Olardyń barlyǵy otaǵasynyń atyna tirkelgen ańshy myltyǵynan atylǵan oqtan kóz jumǵan.
ІІD-niń jedel-tergeý tobynyń atalǵan oqıǵa boıynsha júrgizgen tekseristeriniń nátıjesinde, áıel aldymen dıvanda uıyqtap jatqan balalarynyń bastarynan atyp, keıin ózine de qol jumsaǵandyǵy anyqtaldy. Sonymen qatar úıden áıeldiń týǵan-týystaryna mundaı jaǵdaıǵa otbasynda oryn alǵan janjalmen, kóńiliniń buzylǵandyǵynan barǵandyǵyn túsindiretin haty tabylǵan.
Tártip saqshylarynyń málimetinshe, tragedııa kezinde otaǵasy jumysta bolǵan, úıine kelgen ol otbasy músheleriniń múrdesin alǵashqy bolyp kórgen. Qazir medıtsınalyq saraptaý jumystary júrgizilýde.
