Almatyda jas áleýmettanýshylardyń birinshi forýmy ótip jatyr
ALMATY. 25 maýsym. QazAqparat /Erbol Azanbek/ - Búgin Almatydaǵy Dostyq úıinde jas áleýmettanýshylardyń birinshi forýmy óz jumysyn bastady. Shara QR Áleýmettanýshylarynyń 4-shi kongresi aıasynda ótkizilýde.
Forýmǵa jas áleýmettanýshy ǵalymdar, doktoranttar, magıstranttar men joǵary oqý oryndarynyń stýdentteri qatysýda. Ál-Farabı atyndaǵy QazUÝ-dyń prorektory, áleýmettaný ǵylymdarynyń doktory, professor Sholpan Jamanbalanovanyń aıtýynsha, atalǵan forým Qazaqstandaǵy áleýmettanýdyń ara qaraı damýy úshin strategııalyq turǵydan mańyzdy. «Forým jas, jigerli ǵalymdardyń basyn biriktiretin, kásibı áleýmettanýshylar men jas ǵalymdar arasynda pikir almasýǵa laıyqtalǵan, dástúrli alań bolady dep oılaımyn»,-dedi ol.
Forým aıasynda shaǵyn jáne iri qalalrdaǵy jastardyń sýbmádenıeti, Qazaqstanda jańa saıası mádenıetti qalyptastyrý joldary, orta mektepterde dinı bilim berý, eldegi áıelderdiń kásipkerligi, zamanaýı áleýmettik bilim berý t.b taqyryptary talqylanýda.
QR Tuńǵysh prezıdenti qory janyndaǵy Jas ǵalymdar keńesiniń tóraıymy, áleýmettaný ǵylymdarynyń doktory Gúlmıra Ábdiraıymovanyń aıtýynsha jastar árqashan kúsh, jigermen, shyǵarmashylyq belsendilgimen erekshelenedi, álem ózgerip jatqan tusta, eldiń ǵylymı áleýetin kóterý «júgi» eń aldymen osy jas ǵalymdarǵa artylady.
«Ǵylym árqashanda mańyzdy bolǵan. Qazirgi modernızatsııa kezeńinde ol tabysqa jetýdiń óte mańyzdy bóligine aınalady. Jańa ıdeıalar, múmkindikter men mazmun -bul qazirgi jas ǵalymdardan talap etiledi. Búgingi kezdesýdiń otandyq ǵylymdaǵy jastardyń áleýetin arttyrýǵa serpin beredi dep oılaımyn. Biz sizderden tek ǵylymı zertteýlerdiń qorytyndylaryn ǵana emes, qazaqstandyq qoǵamnyń ekonomıkalyq jáne áleýmettik máselelerine qatysty da erekshe usynystar kútemiz»,- dedi G.Ábdiraıymova.
Forým QR Bilim jáne ǵylym mınıstrliginiń, QR Mádenıet mınıstrliginiń jáne Almaty qalasy ákimshiliginiń qoldaýymen ótýde. Uıymdastyrýshy Qazaqstan áleýmettanýshylar qaýymdastyǵy.
