Almatyda jas aqyndardyń músháırasy ótti
ALMATY. QazAqparat -Qazaqstan Respýblıkasynyń Tuńǵysh Prezıdenti kúnine oraı Qazaq memlekettik qyzdar pedagogıkalyq ýnıversıtetinde «El tiregi - Elbasy» atty jas aqyndardyń jyr músháırasy ótti, dep habarlaıdy QazAqparat.
Oqý ornynyń stýdentteri qatysqan ádebı saıystyń maqsaty - elimizdiń búgingi tynys-tirshiligin, bereke-birligin, jetistikterin Memleket basshysynyń eńbegimen baılanystyrǵan óleńderdi jurtshylyqqa tanystyra otyryp, oqý ornyndaǵy talanttardy anyqtaý.
«Tuńǵysh Prezıdent kúni búginde naǵyz halyqtyq sıpatqa ıe bolyp otyr. Ataýly data qarsańynda bul sharany ótkizýimizdiń ózindik sebebi bar. «Bulaq kórseń kózin ash» degen sóz bar qazaqta. Óleń jazǵannyń bári aqyn bolýy mindetti emes. Dese de jastarǵa shabyt bergen lázim», - deıdi shara uıymdastyrýshylary.
Saıys úsh kezeń boıynsha ótti. Alǵashqy aınalymda qatysýshylar ózderin tanystyrsa, «Nur aǵaǵa arnaý» atty ekinshi kezeńde avtorlyq jyrlaryn oqydy. Al «Ushtasam qalamymdy qalamushtaı» atty úshinshi kezeńde úmitkerler erkin taqyryp boıynsha óz óleńderin oqydy. Jas aqyndarǵa fakýltet ustazdary qazylyq etti.
Músháıra qorytyndysy boıynsha bas júldege Qyzdar ýnıversıtetiniń Pedagogıka jáne psıhologııa fakýltetiniń 1-kýrs stýdenti Ǵazıza Ermahan laıyq dep tanyldy.
Qazylar alqasynyń músheleri aqyndardyń izdenisi men tyń ıdeıalaryn baǵalaı otyra, jeńimpazdardy arnaıy dıplommen, baǵaly syılyqtarmen marapattady.
