Almatyda jas aqyndar músháırasy ótedi
ALMATY. Aqpannyń 17-si. QazAqparat /Erbol Azanbek/- Búgin Ál-Farabı atyndaǵy Qazaq ulttyq ýnıversıtetinde Uly Jeńistiń 65 jyldyǵyna oraı «Men elimniń patrıotymyn!» atty Almaty qalalyq jyr músháırasy ótedi,
dep habarlaıdy QazAqparat.
Jyr dodasyn QazUÝ-dyń fılologııa fakýlteti men jýrnalıstıka fakýltetiniń «Jez qońyraý» ádebı-shyǵarmashylyq uıymynyń aıasynda ulttyq jýrnalıstik zertteý ortalyǵy uıymdastyrady. Uıymdastyrýshylardyń aıtýynsha, músháıra jastar men jasóspirimder arasynda patrıottyq jáne rýhanı qundylyqtardy arttyrý maqsatynda ótkizilmek. Sharaǵa joǵary oqý oryndarynan 30-ǵa jýyq jas talanttar qatysady. Jeńimpazdarǵa júldeli oryndar belgilenip, arnaıy marapat tabys etiledi. Sonymen qatar júldeli oryn alǵan stýdent-aqyndardyń óleńderi ýnıversıtettiń «Jez qońyraý» almanaǵynda jaryqqa kóredi.
