Almatyda jarylǵysh zatty izdedi
ALMATY. QazAqparat - Almaty qalasynyń «Aqsaı» yqshamaýdanyndaǵy turǵyn úılerdiń birinde júrgizilgen tekserý sharasy aıaqtaldy. Jarylǵysh zat tabylmady, dep habarlady búgin Almaty qalalyq ІІD baspasóz qyzmetinen.
Búgin 17 saǵat 21 mınýtta «102» pýltine «Aqsaı-3» yqshamaýdanyndaǵy turǵyn úılerdiń birine jarylǵysh zat qoıylǵandyǵy týraly habar kelip tústi.
«102» pýltine bir zeınetker qońyraý shalyp, oǵan belgisiz bireýdiń turǵyn úıge jarylǵysh zat qoıylǵandyǵy týraly habarlaǵanyn aıtty. Birneshe mınýttyń ishinde turǵyn úıge jedel jáne shuǵyl den qoıý qyzmetteriniń mamandary kelip jetti. Eń aldymen turǵyn úıdiń turǵyndary qaýipsiz aımaqqa shyǵaryldy. Sodan keıin arnaıy maqsattaǵy «Arlan» bólimshesiniń saperleri úıdi tekserýge kiristi. Jarylǵysh zat tabylmady. Úıdi tekserý 19 saǵat 05 mınýtta aıaqtaldy. Turǵyndar óz páterlerine qaıtyp oraldy», - dedi Almaty qalalyq ІІD resmı ókili, polıtsııa maıory Saltanat Ázirbek.
Sondaı-aq, qazir jedel qyzmet ókilderi zeınetkerdiń aıtqan sóziniń durys-burystyǵyn jáne oǵan habarlasqan adamnyń aty-jónin anyqtap jatyr.
