Almatyda jarylǵan jylý trassasy jóndeýden ótip, qalypty rejımde jumys istep tur
ALMATY. QazAqparat - Almatyda Saın kóshesiniń ońtústik-batysy, Ulyqbek kóshesiniń qıylysyndaǵy jylý trassasynyń jarylý saldary joıyldy, dep habarlaıdy QazAqparat tilshisi.
«Almaty jylý júıesi» JShS-nen habarlaǵandaı, 19 naýryzda oryn alǵan apattan keıin dıametri 700 mm qubyr segmentin qalpyna keltirý aıaqtaldy. Jylý trassasy synaqtan keıin qaıtadan qatarǵa qosyldy jáne qalypty rejımde jumys isteıdi.
Qazirgi ýaqytta Ulyqbek – Saın – Jandosov - ıAsaýı kósheleriniń sharshysynda ystyq sý men jylý berý qalpyna keltirilýde.
Sondaı-aq «Almaty jylý júıesi» JShS almatylyqtardy shtattan tys jaǵdaı týyndaǵan jaǵdaıda óz betinshe is-qımyl jasamaýǵa shaqyrdy.
«Shtattan tys jaǵdaı týyndaǵan jaǵdaıda (sý, bý shyǵaryndylary) óz betinshe is-qımyl jasamaýdy jáne bolǵan oqıǵa týraly «AlJJ« JShS-nyń avarııalyq-dıspetcherlik qyzmetine táýlik boıy jumys isteıtin +7 727 3780665 nómiri nemese saǵat 08:00-den 18: 00-ge deıin qońyraý qabyldaıtyn +7 727 341 0777 nómiri arqyly habarlaýdy suraımyz»,- delinedi kompanııanyń habarlamasynda.
Eske salsaq, keshe keshki ýaqytta Almaty qalasynyń Áýezov aýdanynda jylý trassasy jarylyp, birqatar turǵyn úı jylý men ystyq sýdan ajyratylǵan edi.
