Almatyda jarylǵan jylý qubyry qashan jóndeledi
ALMATY. QazAqparat – Almaty kommýnaldy qyzmeti Bókeıhanov Raıymbek kósheleriniń qıylysynda jarylǵan qubyrdy qalpyna keltirip jatyr, dep habarlaıdy QazAqparat tilshisi.
Jarylǵan qubyrdy jóndeýge 9 brıgada tartyldy.
«Dıametri 700 mm bolatyn jylý qubyry óte eskirgen. 1971 jyly paıdalanýǵa berilgen. Qazir qubyrdyń tesilgen segmenti aýystyrylyp jatyr», - dedi ákimdikten.
Oqys oqıǵanyń saldaryn joıýdy «AlTS» JShS men Energııalyq tıimdilik pen ınfraqurylymdyq damý basqarmasy qolǵa aldy.
Al atalǵan aımaqtaǵy tutynýshylarǵa ystyq sý birneshe saǵatta beriledi.
Aıta ketý kerek, oqys oqıǵa búgin 12:05-te Bókeıhanov Raıymbek kósheleriniń qıylysynda bolǵan edi. Jylý qubyry qysymǵa shydas bermeı jarylyp ketip, kósheni ystyq sý basty.
