Almatyda jaryq quralyn zańsyz ornatqan 10 júrgizýshi jazalandy
ALMATY. QazAqparat - Almatyda júrgizilgen reıd barysynda polıtsııa qyzmetkerleri kóligine straboskop qoıyp alyp júrgen júrgizýshilerdi anyqtady, dep habarlaıdy QazAqparat tilshisi.
Qalalyq ІІD ókilderiniń aıtýynsha, jaryq-dabyl quraldary basqa júrgizýshilerge kedergi týǵyzady.
«Kóbinese straboskoptardy kólikti jańadan aıdap júrgen jastar ornatady. Al, bul quraldar negizinde tek arnaıy qyzmet ókilderiniń kóliginde bolýy kerek. Ózdiginen ornatyp alýǵa tyıym salynǵan», - dedi qalalyq ІІD ákimshilik polıtsııa basqarmasynyń basshysy Jandos Muratalıev.
Sonymen qatar, júrgizýshiler arasynda jalǵan nomerlik belgimen júretinder de barshylyq.
«Straboskopty kólikke ornatý QR ÁqbK 603-babymen retteledi. Bul bapqa sáıkes júrgizýshiden jaryq-dabyl quraly tárkilenip alynady. Jeke tulǵalarǵa - 15 AEK mólsherinde, zańdy tulǵalarǵa 2000 AEK mólsherinde aıyppul salynady», - dedi polkovnık J.Muratalıev.
Aıta ketý kerek, zań buzǵan júrgizýshiler 36 075 teńgeden bastap 4 mln 810 myń teńgege deıin aıyppul tóleýi múmkin.
