Almatyda jarqyraǵan shyrshalar jańa jyldy jaqyndata tústi
ALMATY. QazAqparat - Ońtústik astana jańa jyl merekesiniń atmosferasyna «súńgip», búgin saltanatty túrde shahardaǵy basty shyrshalar jaǵyldy, dep habarlaıdy «QazAqparat» tilshisi.
Almatynyń negizgi shyrshasy saǵat 18.00-de Respýblıka Saraıynyń aldyndaǵy alańda jarqyrady. Bıylǵy jylǵy shyrshanyń bıiktigi 18 metrge jetedi. Dál osy jerde tutastaı qysqy qalashyq salynǵan.
Almaty qalasynyń mádenıet jáne muraǵat basqarmasynan habarlaǵandaı, 17-shi jeltoqsannan 7-shi qańtarǵa deıin osynda kún saıyn (31 jeltoqsandy eseptemegende) «Álemge saıahat» (WINTER FAMILY PARTY) sharasy ótkiziledi.
Demalys kúnderi (18, 22, 23, 29, 30 jeltoqsanda jáne 1, 2, 5, 6, 7 qańtarda) saǵat 16:00-den 18:00-ge deıin balalarǵa arnalǵan anımatsııalyq baǵdarlamalar, jańa jyldyq qolóner týyndylaryn jasaý kýrstary ótkiziledi. Sodan keıin saǵat 18:00-den 18:45-ke deıin jańa jyldyq ertegi aıtý sharasy josparlansa, saǵat 18:45-den 19:30-ǵa deıin - Aıaz ata jáne Aqshaqarmen fotosessııa uıymdastyrylady.
Saǵat 19:30-dan 20:00-ge deıin merekelik kontsertter ótip, sodan keıin jańa jyldyq bı keshi bastalady.
Jumys kúnderi (24, 25, 26, 27 jeltoqsanda jáne 3, 4 qańtarda) saǵat 16:00-den 18:00-ge deıin balalar úshin anımatsııalyq baǵdarlama, saǵat 18:00 - 20:00 aralyǵynda jańa jyldyq bı keshi uıymdastyrylady.
Sonymen birge, Astanadaǵy eski alańda, Qazaqstan Respýblıkasy Tuńǵysh Prezıdent saıabaǵynyń alańynda jáne Abaı atyndaǵy Memlekettik akademııalyq opera jáne balet teatrynyń aldynda jáne «Almaty arena» muzaıdynynda taǵy tórt shyrsha jarqyrady.
Jańa jyldyq shyrshalardy jaǵý sharasy jarqyn sıpatta ótip, sharaǵa «X-FACTOR Qazaqstan» jobasynyń jeńimpazdary, Aıaz Ata men Aqshaqar qatysty. Sonymen birge, meımandardyń kóńilin Murat Muturǵanovtyń teatry tsırk shoý-baǵdarlamasy kóterdi.
Jańa jyl qarsańynda Almaty qalasynda halyqtyń óqshemetine bólengen oryndardyń biri - eski alań boldy. Munda erekshe shyrsha ornatylǵan. Ulttyq stıldegi 12 metrlik shyrshanyń turqy bólek. Shyrshanyń qańqasy temirden jasalsa, onyń negizin quraǵan kerege shyrshaǵa erekshe sıpat berip tur.
