Almatyda jaraqat alǵan eki polıtseıdiń jaǵdaıy belgili boldy
ALMATY. QazAqparat - Almaty polıtsııasy jaraqat alǵan eki polıtseıdiń jaǵdaıy týraly málimet berdi, dep habarlaıdy QazAqparat tilshisi.
Oqıǵa 11 sáýirde bolǵan edi. Naýryzbaı aýdandyq polıtsııa basqarmasynyń eki jedel ýákili - polıtsııa aǵa leıtenanty Mýhıddınov A.K. jáne polıtsııa kapıtany Qojaev A.S. jekemenshik tasymaldaýshyǵa qatysty qylmys jasady degen kúdiktilerdi ustaý kezinde olarǵa belgisiz bireýler pyshaq salǵan edi. Іs fıgýranttarynyń ekeýi arnaýıy jospar aıasynda bes saǵattyń ishinde ustalǵan. Kúdiktiler ýaqytsha ustaý ızolıatoryna qamaldy.
Tártip saqshylarynyń málimdeýinshe, 1993 jyly týǵan azamat B. jáne 1994 jyly týǵan azamat O.-ny qalanyń qylmystyq polıtsııa qyzmetkerleri qolǵa túsirgen. Kúdiktilerdiń biri el aýmaǵynan shyǵyp, kórshi respýblıkaǵa baryp jasyrynbaq bolǵan.
