Almatyda jappaı tóbelesti bastaǵan birinshi kýrs stýdentteri ustaldy
ALMATY. QazAqparat – Almatyda jappaı tóbelesti bastaǵan eki stýdent jaýapkershilikke tartyldy, dep habarlaıdy QazAqparat tilshisi.
Polıtsııa departamentiniń Krımınaldy polıtsııa basqarmasynyń habarlaýynsha, tóbelesti ýnıversıtettiń 1-kýrs stýdentteri bastaǵan.
«1 kýrsta oqyp júrgen eki stýdent sózben eregesip qalǵan. Bul quqyqbuzýshylyq boıynsha QR QK 293-babynyń 2-bólimimen buzaqylyq babymen is qozǵaldy. Sotqa deıingi tergeýdi Almaty polıtsııa departamenti júrgizip jatyr», - dedi qalalyq PD Krımınaldy polıtsııa basqarmasynyń basshysy Janbolat Zıadın.
Aıta ketý kerek, oqıǵa qarashanyń basynda Jeltoqsan kóshesiniń boıyndaǵy kafe-barda bolǵan.
Tóbelestiń vıdeosy Instagram jelisinde jarııalandy.
