Almatyda jappaı tártipsizdikter kezinde áskerı kólikti basyp alǵan er adam ustaldy

ALMATY. QazAqparat - Almatyda jappaı tártipsizdikter kezinde áskerı KAMAZ kóligin basyp alǵan er adam ustaldy, dep habarlaıdy QazAqparat tilshisi.

Almaty qalasy komendatýrasynyń málimetinshe, ol 27 jastaǵy Pavlodar oblysy Ekibastuz qalasynyń turǵyny bolyp shyqty. Aıyptalýshynyń tonaýǵa da qatysy bar ekeni anyqtaldy.

Alataý aýdanynyń polıtsııa qyzmetkerleri kúdiktini «Ójet» yqsham aýdanynda ustady.

Odan qarý-jaraq dúkenin tonaý nátıjesinde urlanǵan 30 patrony bar tegis uńǵyly «Saıga» myltyǵy tárkilendi.

Qylmystyq jolmen alynǵan taǵy birneshe atys qarýyn Alataý aýdandyq polıtsııa qyzmetkerleri úsh adamnan anyqtady.

Qarý-jaraq satatyn dúkenderdi tonaý nátıjesinde olar «Ata-arms», «Remington-700» jáne «Sauer-202» myltyqtaryn oq-dárilerimen birge zańsyz ıemdengen.

Kúdiktiler qamaýǵa alyndy.