Almatyda jappaı tártipsizdikke qatysyp, dúken tonaǵan kúdikti ustaldy

ALMATY. QazAqparat - Almatyda turmystyq tehnıka dúkenine shabýyl jasaǵan tonaýshy qamaýǵa alyndy, dep habarlaıdy QazAqparat tilshisi.

Jedel-izdestirý is-sharalary barysynda 24 jastaǵy Jambyl oblysynyń turǵyny ustaldy. Odan urlanǵan zattar tárkilendi. Ol negizinen turmystyq tehnıka.

Polıtsııa málimeti boıynsha, kúdikti Raıymbek dańǵyly boıynda ornalasqan turmystyq tehnıka dúkenin tonaýǵa jáne jappaı tártipsizdikke qatysqan. Belgili bolǵandaı, qasqóı urlanǵan zattardy turǵylyqty jerinde jasyryp, keıinnen satýdy josparlaǵan.

«Atalǵan fakti boıynsha QR QK-niń 188-baby 3-bóliginiń 3-tarmaǵy boıynsha sotqa deıingi tergeý amaldary júrgizilýde. Ustalǵan adamǵa qatysty sot qamaýǵa alý túrindegi sanktsııany tańdady, – dedi Medeý aýdandyq polıtsııa basqarmasy janyndaǵy polıtsııa bóliminiń bastyǵy Edilhan Baıǵaraev.