Almatyda jappaı tártipsizdik kezinde jumys istegen jedel járdem qyzmetkerlerine materıaldyq kómek kórsetiledi
Jedel járdem qyzmeti ujymymen kezdesý barysynda Baqytjan Saǵyntaev damý perspektıvalaryn, qyzmetkerler men jalpy uıymnyń ózekti máselelerin talqylap, sheshý joldaryn qarastyrdy. Sondaı-aq qańtar aıyndaǵy oqıǵalar kezinde zardap shekkenderge kómek kórsetkenderi úshin alǵysyn bildirdi.
Aıta keteıik, jedel járdem qyzmetkerleri ózderiniń kásibı mindetterin oryndaýda batyldyq tanytty. Terrorıstik aktiler barysynda 5 qyzmetker zardap shekti, olardyń tórteýiniń densaýly,yna jeńil zııan kelse, bireýiniń densaýlyǵy ortasha aýyrlyqta japa shekti. Sol kúnderi barlyǵy 2160 jedel járdem qyzmetkeri jumys istedi.
Jappaı tártipsizdik kezinde 32 jedel járdem kóligi zaqymdandy. Búginde metsenattar 16 jedel járdem kóligin alyp berdi.
Almaty ákimi qaıǵyly oqıǵa kúnderi jumys istegen barlyq qyzmetkerlerge materıaldyq kómek kórsetiletinin aıtty.
Sondaı-aq, qala jedel járdem qyzmetin qajetti tehnıkamen jáne jabdyqtarmen qamtamasyz etedi.
Almaty ákimi Qoǵamdyq densaýlyq saqtaý basqarmasyna jaǵdaıdy zerdelep, jańa qosalqy stantsııalardy ashý boıynsha usynystar engizýdi tapsyrdy.
Budan basqa Baqytjan Saǵyntaev materıaldyq-tehnıkalyq qamtamasyz etý, jedel járdem qyzmetkerlerin qoldaý máselelerin sheshýdi turaqty baqylaýda ustaýdy tapsyrdy.
Qazirgi ýaqytta jedel járdem qyzmetinde qalanyń barlyq aýdandarynda 11 qosalqy stantsııa bar, bul shaqyrý ornyna brıgadalardyń tez kelýin qamtamasyz etýge múmkindik beredi. Sondaı-aq uıymǵa avtojóndeý sheberhanalary, aqparattyq-jedel dıspetcherlik qyzmet kiredi.
Shuǵyl medıtsınalyq kómekti turaqty negizde 200 brıgada kórsetedi: reanımatsııalyq, qarqyndy terapııa brıgadalary, pedıatrııalyq, dárigerlik, feldsherlik jáne praktıkalyq jumys tájirbıesi bar, zamanaýı medıtsınalyq tehnologııalar men synaqtan ótken ádisterdi paıdalanatyn joǵary bilikti mamandardyń úlken shtaty.
Olar aýrýhanaǵa deıingi kezeńde naýqastar men zardap shekkenderge ýaqtyly dıagnoz qoıý jáne kómek kórsetý úshin barlyq qajettiliktermen jabdyqtalǵan. Sonymen qatar, 25 brıgada rezervte tur.
Qala ákimdiginiń qoldaýymen sońǵy eki jylda qyzmettiń negizgi máseleleri sheshildi. Yntalandyrý komponentterin tóleýge jergilikti bıýdjetten 256 mln teńge bólindi.
