Almatyda jappaı tártipsizdik kezinde joǵalǵan múliktiń quny bıýdjetten nemese «Kúshimiz birlikte» qorynan óteledi
Ákim orynbasarynyń aıtýynsha, zalaldy óteý joǵalǵan múliktiń qunyn tóleý nemese zardap shekken adamdarǵa tıesili búlingen múlikti qalpyna keltirý jumystary arqyly júzege asyrylady.
Joǵalǵan múliktiń quny memlekettik bıýdjetten nemese «Kúsh birlikte» qorynan óteledi.
Sonymen qatar, onyń mólsherin óńirlik jáne Qordyń komıssııasy aıqyndaıdy.
«Jergilikti atqarýshy organdar men Qor qyzmetterdi kórsetý úshin baǵalaý jáne aýdıtorlyq kompanııalardyń tizbesin aldyn ala aıqyndaıdy jáne tizbeni ınternet-resýrsta ornalastyrady. Bul rette múlikke baǵalaý men aýdıt júrgizýge, smeta jasaýǵa jáne búlingen múlikti qalpyna keltirý shyǵyndaryn kalkýlıatsııalaýǵa baılanysty qyzmetterge aqy tóleý ákimdikke nemese Qorǵa júkteledi», - dep atap ótti Іlııas Óserov.
Múlik qunyn óteý mólsheri múlikti qalpyna keltirý úshin qajetti shyǵystar men arzandatý mólsherin negizge ala otyryp anyqtalady.
Almaty ákiminiń orynbasary jyljymaıtyn múlikti jóndeý shyǵyndaryn smetamen nemese ony qalpyna keltirý shyǵyndarynyń kalkýlıatsııasymen rastaý qajettigin atap ótti.
Kólikti aıdap áketý jaǵdaılaryna keletin bolsaq, olar 2022 jylǵy qańtardaǵy jekelegen óńirlerdegi tártipsizdikter nátıjesinde joıylyp ketken kólikterdi qospaǵanda, qylmystyq zańnama sheńberinde tergelýde.
