Almatyda jappaı tártipsizdik kezinde jınalǵandarǵa armatýra bergen 6 adam ustaldy
Almaty qalalyq PD Ekstremızmge qarsy kúres basqarmasynyń málimetinshe, 20 men 24 jas aralyǵyndaǵy alty er adam ustaldy.
«5 qańtarǵa qaraǵan túni «Shańyraq» yqshamaýdanyndaǵy úılerdiń birinde bolgarkanyń kómegimen temir armatýranyń bólikterin (70 sm) daıyndap, kelesi kúni jappaı tártipsizdiktiń qatysýshylaryna taratqandyǵy anyqtaldy. Kýágerler bul is-áreketti uıaly telefonnyń kamerasyna túsirip alǵan. Beınejazbadan adamdardyń GAZel júk mashınasynan armatýrany túsirip jatqanyn kórýge bolady. Іs-áreket Tóle bı dańǵylynyń boıynda shyǵys baǵytta oryn aldy», – dedi Almaty qalalyq polıtsııa departamenti bastyǵynyń orynbasary Berik Ábilbekov.
Ustalǵandarǵa QR QK-niń 272-baby 2-bóligi boıynsha jappaı tártipsizdikke qatysty degen aıyp taǵylyp otyr. Olar qamaýǵa alyndy.
«Kúdiktiler tártip saqshylardyń densaýlyǵyna zaqym keltirý maqsatynda tártipsizdikke qatysýshylarǵa taratý úshin túni boıy qasaqana temir armatýralar daıyndaǵanyn moıyndady»,- deıdi polıtsııa ókili.
