Almatyda jappaı tártipsizdik kezinde sýdıa qaza tapty
ALMATY. QazAqparat - Almaty qalasy boıynsha Sottar ákimshisi, Almaty qalasy ákimshilik quqyq buzýshylyqtar jónindegi mamandandyrylǵan aýdanaralyq sot sýdıasy Murat Abraev qaıtys boldy, dep habarlaıdy QazAqparat tilshisi.
«Almaty qalalyq sotynyń basshylyǵy, Almaty qalasy boıynsha Sottar ákimshisi, Almaty qalasy ákimshilik quqyq buzýshylyqtar jónindegi mamandandyrylǵan aýdanaralyq sotynyń sýdıasy Abraev Murat Sovetulynyń qańtar aıyndaǵy jappaı tártipsizdikter kezinde qaıtys bolýyna baılanysty, otbasy men jaqyndarynyń qaıǵylaryna ortaqtasyp kóńil aıtady», - delingen Almaty qalalyq sotynyń Facebook-tegi paraqshasynda.
Aıta keteıik, Almatyda lańkesterdiń qolynan úsh polıtsııa qyzmetkeri qaza tapty.
Lańkestik áreketterdiń jolyn kesý, sondaı-aq, memlekettik organdardyń ákimshilik ǵımarattary men strategııalyq nysandaryna jasalǵan qarýly shabýyldardy toıtarý nátıjesinde barlyǵy Almaty polıtsııasynyń 3 qyzmetkeri qaza tapty, taǵy 176 saqshy jaraqat aldy, onyń 8-iniń jaǵdaıy aýyr.
