Almatyda jappaı tártipsizdik kezinde 13 ekologııalyq post órtengen

ALMATY. QazAqparat - Almaty qalasynda buzaqylar 13 ekologııalyq beketti órtep ketken, dep habarlaıdy QazAqparat tilshisi.

Almaty qalalyq Jasyl ekonomıka basqarmasynyń málimetinshe, 13 ekologııalyq post órtenip ketti. Sonymen qatar, buzaqylar 4 beketti syndyryp, tonaǵan. Tek 2 beket qana aman qalǵan.

Qazirgi kezde 4 beketti qalpyna keltirý jumystary júrgizilip jatyr, olar aptanyń aıaǵyna deıin iske qosylady. Al 13 beketti jóndep, qalpyna keltirý úshin biraz ýaqyt qajet.

Órtelgen beketterdi qala ákimi Baqytjan Saǵyntaevtyń tapsyrmasyna sáıkes ornynan alyp tastap, jańasyn ornatý boıynsha jumystar qolǵa alyndy.

Sonymen qatar, beketter qalpyna keltirilgennen keıin jaýapty qyzmetkerler óz jumystaryn jalǵastyratyn bolady.

Jańa ekologııalyq beketterdiń jumystarynyń qaıta tolyq qalpyna kelýi týraly aqparat qosymsha jarııalanatyn bolady.