Almatyda «jappaı esinen tanyp jatqan adamdar» týraly vıdeo jalǵan - Polıtsııa
ALMATY. QazAqparat – Almaty polıtsııasy adamdar kóshede esinen tanyp, qulap jatqany týraly vıdeolarǵa túsinik berdi, dep habarlaıdy QazAqparat tilshisi.
Polıtsııa departamentiniń málimetinshe, olardyń eshqaısysy shyndyqqa janaspaıdy.
«Shyndyǵynda, mynadaı faktiler boldy. Birinshi oqıǵa - Gogol men Muratbaev kósheleriniń qıylysynda jaıaý júrginshini kólik qaqty. Trolleıbýs qaqqan áıel aýyr jaraqat aldy. Іs boıynsha tergeý bastaldy, saraptama taǵaıyndaldy. Ekinshi epızodta - «102» nómirine mas adam joldyń boıynda jatqandyǵy týraly qońyraý kelip tústi. Ýchaskelik ınspektor aqparatty rastady. Er adamǵa alǵashqy medıtsınalyq kómek kórsetildi. Úshinshi jaǵdaıda avtobýstardyń birinde jolaýshynyń jaǵdaıy kúrt nasharlaǵan (epılepsııalyq talý). Qasyndaǵylar ony kóshege shyǵaryp, «jedel járdem» shaqyrdy. Sondyqtan, qalada adamdar jappaı esinen tanyp jatqany týraly aqparattar – jalǵan», - dedi vedomstvodan.
Sonymen birge, polıtsııa bile tura jalǵan aqparat taratqany úshin qylmystyq jaýapkershilik týraly eske salyp, tótenshe jaǵdaı kezinde bul áreketter úsh jyldan jeti jylǵa deıingi merzimge bas bostandyǵynan aıyrýǵa nemese shekteýge ákep soqtyratynyn aıtty.
«Biz azamattardy jalǵan, rastalmaǵan aqparatty shyndyq retinde berip, qoǵamda negizsiz dúrbeleń týdyrýdan aýlaq bolýǵa shaqyramyz. Bul - qylmys jáne sol úshin jazaǵa tartylady. Ádette, derek kózi belgisiz aqparatqa úlken kúmánmen qaraý kerek», - dedi Polıtsııa departamentinen.
