Almatyda japon tilindegi sheshendik óner saıysy ótedi
ALMATY. 30 naýryz. QazAqparat - Almatyda 31 naýryzda japon tilinen XIV Qazaqstandyq sheshendik óner saıysy bolady. Ony Ál-Farabı atyndaǵy Qazaq ulttyq ýnıversıtetiniń japontaný kafedrasy QR Japonııa elshiligi,
Qazaqstan-Japonııa adam resýrstaryn damytý ortalyǵy, Japon tili oqytýshylar qaýymdastyǵymen birlesip uıymdastyryp otyr. Bul sharada joǵary oqý oryndarynyń stýdentteri japon tilinde ádebı tilde mánerlep sóıleýdi jáne óz oılaryn erkin jetkizýdi damytyp, ıgergen bilimine degen senimderin nyǵaıtady.
Dástúrli sóz dodasyna bıyl Almatydan - 11, al Astanadan - 3 úmitker qatyspaq. Onyń altaýy Ál-Farabı atyndaǵy Qazaq ulttyq ýnıversıtetinen, beseýi Abylaı han atyndaǵy Qazaqtyq halyqaralyq qatynastar jáne álem tilderi ýnıversıtetinen, úsheýi Qazaqstan-Japon adam resýrstaryn damytý ortalyǵynan. Olar onda Qazaqstan jastaryn patrıottyq rýhta tárbıeleý, áke men bala arasyndaǵy qarym-qatynas, Qazaqstandaǵy tildik saıasat, mamandyqty tańdaý sııaqty túrli taqyryp boıynsha sheshendik kórsetpekshi.
