Almatyda japon taýarlarynyń arzan dúkeni ashyldy
ALMATY. QazAqparat - Almatyda Miniso belgili japon brendiniń franshızasymen 2 dúken ashyldy. Saýda oryndarynyń ereksheligi ishindegi taýarlardyń kópshiliginiń quny 900 teńgege jetpeıdi.
Qalalyq kásipkerlik pen ındýstrıaldy-ınnovatsııalyq damý basqarmasynyń habarlaýynsha, jańa nysandar «Aport» pen «Maksıma» saýda oryndarynda ornalasqan.
Qańtarda atalǵan brendtiń dúkenderi Astanada ashylmaq.
Álemdik rıteıler kosmetıka, elektrondy quraldar, turmystyq hımııa, ydys-aıaq satýmen aınalysady. Aıta ketý kerek, taýarlardyń kópshiliginiń quny 900 teńgeden aspaıdy.
Basqarmadan habarlaǵandaı, Almatyda qazirgi tańda sheteldik kompanııalardyń qatysýymen 14 myń kompanııa jumys istep keledi.
100-ge tarta eldiń brendi Almaty tutynýshylaryna tanys.
Sondaı-aq, keler jyly álemge belgili eki qonaq úı salynady. Belgili nemis brendiniń gıpermarketi ashylady. Sonymen qatar, birqatar rıteılerlermen kelissózder júrgizilýde.
