Almatyda janyp jatqan páterden 68 jastaǵy zeınetker qutqaryldy
ALMATY. QazAqparat - Almatynyń órt sóndirýshileri janyp jatqan páterden 68 jastaǵy er adamdy qutqardy, dep habarlaıdy QazAqparat tilshisi.
Tótenshe jaǵdaılar departamentiniń baspasóz qyzmetinen málim etkendeı, 5 mamyr kúni tańǵy saǵat 07:23-te órt sóndirýshiler Medeý aýdany Jibek joly kóshesi, № 37 mekenjaıyna barǵan.
Kelgen kezde besinshi qabattaǵy páterdiń as bólmesi men balkony ashyq jalynmen janyp jatqanyn anyqtady.
Órttiń turǵyn úıdiń shatyryna taralý qaýpi týyndady.
Janyp jatqan páterde temperatýra joǵarylap, qoıý tútin paıda boldy.
Shuǵyl túrde gaz-tútinnen qorǵaý qyzmeti tilsiz jaýdy sóndirýge órt oqpandaryn jiberdi.
Qyzyl jalyn 17 mınýt ishinde sóndirildi.
«Barlaý kezinde es-tússiz jatqan 1955 jylǵy er adam tabyldy, órt sóndirýshiler oǵan tútinnen qorǵaıtyn arnaıy qutqarý qalpaqshasyn kıgizip, taza aýaǵa shyǵardy. Zardap shekken turǵynǵa alǵashqy medıtsınalyq kómek kórsetildi. Qazirgi ýaqytta zeınetkerdiń densaýlyǵy birqalypty»,- dep habarlady vedomstvadan.
