Almatyda januıalyq demalysqa arnalǵan «Alma» festıvali ótedi
ALMATY. 3 maýsym. QazAqparat /Erbol Azanbek/ - 4-5 maýsym kúnderi Almatyda «JUNEX 2011» balalar taýarlarynyń kórme -jármeńkesi men 7-shi januıaly demalystyń «Alma» festıvli ótedi.
Shara halyqaralyq balalar kúnine arnalyp uıymdastyryldy. Uıymdastyrýshy - «Expo.kz» kompanııasy. Resmı qoldaýshy - Almaty ákimdigi men qalalyq mádenıet basqarmasy.
Atalǵan festıval almatylyqtar úshin dástúrli merekege aınalǵan. Jyl saıyn ótip júrgen sharanyń maqsaty - januıanyń beriktigin saqtaý, rýhanı-adamı qundylyqtar men dástúrlerdi oraltý. Festıval baǵdarlamasynda ata-analar men balalarǵa sheberlik saǵattary ótkizilip, mýzykalyq shoý, túrli kórmeler uıymdastyrylady.
Sharaǵa «Kovcheg» balalar úıiniń tárbıelenýshileri men «Ashyq álem» qory qamqorlyǵyndaǵy aýıtızmmen naýqastanatyn balalar qatysady. Sondaı-aq qala turǵyndary men qonaqtaryna esik ashyq. Árbir ata - ana men bala sharaǵa qatysý arqyly múgedek, ata-ana qamqorlyǵynsyz qalǵan balalardyń ómirine qýanysh syılaýǵa úles qosa alady. Óıtkeni, bıletterdi satý men jármeńkeden túsken qarjy almatylyq balalar úıiniń birine aýdarylmaq.
