Almatyda janýarlaryn chıpteýge ynta bildirýshiler kóbeıip keledi
ALMATY. QazAqparat - Almatyda janýarlaryn chıpteýge ynta bildirýshiler kóbeıip keledi, dep habarlaıdy QazAqparat tilshisi.
Búginde qalada 11 brıgada janýarlardy chıpteýmen aınalysýda. Kúnine 200 janýarǵa chıp ornatylady.
Baǵdarlama bastalǵaly beri 2,5 aıda 35 myń úı janýary tirkelgen. Qazir veterınarlyq emhanalar chıpteý úshin úı-úıdi aralaı bastady. Bul óz kezeginde almatylyqtar arasynda suranystyń artýyna ákeldi.
«Jumystan qoly bosamaıtyn nemese úıinen shyǵa almaıtyn úlken kisilerge bul qyzmet óte qolaıly boldy. Máselen, jalǵyzbasty ájeı ıtin chıptegisi kelse bizge qońyraý shalyp, shaqyrady. Veterınarlyq qyzmet kelip qyzmet kórsetedi. Bul óte yńǵaıly», - dedi osy jumystarmen aınalysatyn emhananalardyń biriniń ókili ıAna Vernıgorova.
Tegin veterınarlyq qyzmetti kez kelgen adam paıdalana alady. Ol úshin tek janýar ıesiniń jeke kýáligi men úı janýarynyń qujaty bolýy tıis. Qujat joq bolsa mamandar sol jerde rásimdep beredi.
Mamandardyń aıtýynsha, úı janýarlaryn 2 aıdan asqan soń chıpteýge bolady. Chıp ornatý protsesi 5 mınýt ýaqyt alady. Ine salǵanda bir rettik shprıtster paıdalanylady.
Metall chıpter ICAR janýarlardy tirkeý uıymynyń talaptaryna sáıkes keledi. Radıojıilik transponderler Qazaqstanda jasalady, al elektrondy belgiler Shveıtsarııadan ákelinedi.
Aıta ketý kerek, tegin chıpteý baǵdarlamasy qarasha aıynyń sońyna deıin júrgiziledi.
