Almatyda janýarlardy qorǵaýǵa arnalǵan mıtıng ótedi

ALMATY. QazAqparat – Almatyda 14 mamyrda «Janýarlarǵa jaýapkershilikpen qaraý týraly» Zańnyń oryndalmaýyna qatysty ákimdikpen kelisilgen mıtıng ótedi. Bul týraly «KARE-Zabota» qoǵamdyq qorynyń ókilderi málim etti, dep habarlaıdy QazAqparat tilshisi.

Mıtıng 14 mamyr kúni saǵat 12:00-den 14:00-ge deıin «Sary Arqa» kınoteatrynyń artyndaǵy skverde ótedi dep josparlanýda.

«KARE-Zabota» QQ málimetinshe, mıtıngtiń maqsaty:

- QR jergilikti atqarýshy organdarynyń «Janýarlarǵa jaýapkershilikpen qaraý týraly» Zańyn sabotajdaý jáne oryndamaýǵa qatysty qoǵamdyq pikir bildirý;

AZVQ (Aýlaý – Zararsyzdandyrý – Vaktsınatsııa – Qaıtarý) baǵdarlamasynyń oryndalmaýy;

Negizgi sebepter joıylmasa, janýarlardy óltirýdiń tıimsizdigi, atap aıtqanda úı janýarlaryn jaýapsyz ustaý, ósirý;

NQA boıynsha resmı jumys;

Janýarlarǵa jaýapkershilikpen qaraý týraly zańnamanyń tıisinshe oryndalýyn qoǵamdyq baqylaý salasynda ókilettigin iske asyrý úshin qoǵamdyq ınspektorlardyń jumysyna kedergi keltirý;

Janýarlarǵa qatygezdik kórsetý faktilerine baılanysty ІІM tarapynan tıisti sharalardyń bolmaýy;

Janýarlardyń qaýyp alǵany týraly senimsiz derekter, sondaı-aq, oqý oryndarynda, BAQ-ta, bılbord, plakattarda tanystyrý baǵdarlamalaryn uıymdastyrýdy talap etý bolyp tabylady.

«Mıtıng sanktsııalanǵan jáne Almaty qalasynyń ákimdigimen kelisilgen. Uıymdastyrýshylar: «KARE - Zabota» QQ, Zoo-qoǵamdastyq alıansy, sondaı-aq eriktiler», - dep habarlady «KARE-Zabota» qoǵamdyq qorynyń ókilderi.

Aıta keteıik, Almaty ákimdiginiń baspasóz qyzmeti mıtıngtiń ákimdikpen kelisilgenin rastady.