Almatyda jantúrshigerlik jol apatynan úsh adam mert boldy
ALMATY. QazAqparat - Almatydaǵy Saın kóshesinde jol apaty bolyp, saldarynan úsh adam qaıtys boldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jol apaty 26 qańtar túngi saǵat 23:30 shamasynda Áýezov aýdanynda boldy.
«Honda» markaly avtokóliginiń júrgizýshisi - 2003 jyly týǵan R. esimdi azamat, Saın kóshesimen soltústik baǵytta kele jatyp, rýldi basqara almaı, jaryqtandyrý shamy baǵanasyna soǵyldy. Jol-kólik oqıǵasy saldarynan júrgizýshi men onyń eki jolaýshysy – 2003 jyly týǵan I. esimdi azamat jáne 2004 jylǵy N. esimdi azamat mert boldy», - dep habarlady Almaty qalalyq PD baspasóz qyzmeti.
Atalǵan derek QR QK-niń 345-baby 4-bóligi boıynsha sotqa deıingi tergeýdiń biryńǵaı tizilimine tirkeldi.
Saraptamalar taǵaıyndaldy.
