Almatyda jantúrshigerlik jol apatyn jasaǵan jigit 3 jylǵa kólik júrgizý quqyǵynan aıyryldy
ALMATY. QazAqparat - Almatyda jantúrshigerlik jol apatyn jasaǵan 20 jastaǵy S.Sultanovqa qatysty sot úkimi shyqty, dep habarlaıdy QazAqparat tilshisi.
20 jastaǵy júrgizýshi S.Sultanovqa qatysty QR ÁqbK 608-baby boıynsha ákimshilik is qozǵalǵan bolatyn.
Іs materıaldaryna sáıkes, jas jigit kólikti mas kúıinde aıdaǵany anyqtaldy.
Sultanov sotqa kelmegen. Tipti kelmeý sebebin de túsindirmegen. Sondyqtan QR ÁK 744-babynyń 2-bólimine sáıkes sot onyń qatysýynsyz ótti.
Sýdıa S. Sultanovty aıypty dep taýyp, 3 jylǵa kólik júrgizý quqyǵynan aıyrý týraly qaýly shyǵardy.
Budan buryn asa aýyr qylmystyq istiń jabylyp qalǵany habarlanǵan edi.
Keıin QR ІІM jol apatyn tekserýdi qaıta qolǵa aldy.
Bul týraly QR Іshki ister mınıstri Qalmuhambet Qasymov dialog.egov.kz elektrondy úkimet saıtyndaǵy blogynda jaýap berdi.
Mınıstr atalǵan jol apaty boıynsha qylmystyq isti toqtatý týraly sheshim buzylǵanyn habarlady. Adam ólimine ákelgen jol apaty boıynsha qylmystyq isti Almaty qalalyq ІІD anyqtaý basqarmasy qaıta qaraýǵa alyp, tergeý jumystaryn bastap ketti.
Aıta ketý kerek, jol apaty 30 shilde kúni túngi 2 shamasynda bolǵan. 19 jastaǵy jigit tizgindegen Mersedes kóligi ál-Farabı dańǵylymen shyǵysqa qaraı kele jatyp, Seıfýllın kóshesine jetpeı jaıaý júrginshini qaǵyp ketedi. Sonyń saldarynan 48 jastaǵy er adam oqıǵa ornynda kóz jumdy. Aldyńǵy áınektiń synyqtarynan marqumnyń denesi ekige bólinip, keýde tusy kóliktiń ishinde qalyp qoıǵan. Al qol-aıaǵy jol ústinde shashylyp qaldy.
Atalǵan derek QR QK 345-babynyń 3-bólimimen, 347-babymen sotqa deıingi biryńǵaı tergeý isi tizilimine tirkeldi.
