Almatyda jáne qala mańyndaǵy birneshe eldi mekende sý bolmaıdy

ALMATY. QazAqparat - Keler aptada Almaty qalasy men oblysynyń turǵyn úı alaptary sýyq sýdan ajyratylady. Bul týraly «Almaty sý» kásipornynyń baspasóz qyzmeti málim etti, dep habarlaıdy QazAqparat tilshisi.

«Buqtyrma kóshesi men Qulja tasjoly qıylysynda jol-kólik aıryǵyn salý jumystary sheńberinde úsh kezeń boıynsha qurylys oryndary astynan D-1400 mm, D-1200 mm sý tartqyshtaryn shyǵarý jumysy júrgiziledi», - dep habarlady kompanııa.

Jumystyń birinshi kezeńinde, ıaǵnı 21 mamyr saǵat 22:00-den 23 mamyr saǵat 09:00-ge deıin tómende kórsetilgen aýmaqta ornalasqan turǵyn úıler men ǵımarattarǵa sýyq sý berý ýaqytsha toqtatylady:

- Túrksib aýdany «Nurshashqan», «Qaırat» shaǵynaýdandary;

- Almaty oblysy Talǵar aýdany Belbulaq, Gúldala, Lých, Tuzdybastaý, Túzýsaı, Birlik, Besaǵash eldi mekenderi;

- «Aspan Sıtı», «Altyn Sıtı», «Nurııa», «Dostar», «Nomad City», «Tomarix City», «Besaǵash» turǵyn úı keshenderi, Qulja tasjoly boıynda ornalasqan kommertsııalyq nysandar (qoǵamdyq tamaqtaný oryndary, bazarlar, avtosalondar jáne t.b.);

Ekinshi kezeń 24 mamyr saǵat 23:00-den 26 mamyr saǵat 9:00-ge deıin sozylady. Ol kezde «Nomad city» TK sýyq sýdan ajyratylady.

Jumystyń sońǵy úshinshi kezeńi aıasynda 28 mamyr saǵat 22:00-den 30 mamyr saǵat 09:00-ge deıin tómendegi mekenjaılarda sýyq sý bolmaıdy:

- Túrksib aýdany «Nurshashqan», «Qaırat» shaǵynaýdandary;

- Almaty oblysy Talǵar aýdany Belbulaq, Gúldala, Lých, Tuzdybastaý, Túzýsaı, Birlik, Besaǵash eldi mekenderi;

- «Aspan Sıtı», «Altyn Sıtı», «Nurııa», «Dostar», «Nomad City», «Tomarix City», «Besaǵash» turǵyn úı keshenderi, Qulja jolynyń boıynda ornalasqan kommertsııalyq nysandar (qoǵamdyq tamaqtaný oryndary, bazarlar, avtosalondar jáne t.b.).

«Almaty sý» kásiporny ýaqytsha qolaısyzdyqqa túsinistikpen qaraýdy ótinedi.