Almatyda jańbyrǵa baılanysty Abaı dańǵylyndaǵy jóndeý jumystary toqtady

ALMATY. QazAqparat- Aýa raıynyń qolaısyzdyǵyna baılanysty Abaı dańǵylynyń Tilendıev kóshesinen Rozybaqıev kóshesine deıingi aralyqta asfaltbeton jabyndysyn tóseý jumystary toqtatyldy, dep habarlaıdy QazAqparat tilshisi.

Almaty qalalyq mobıldilik basqarmasy aýa raıynyń qolaısyzdyǵyna baılanysty Abaı dańǵylynyń boıynda Tilendıev kóshesinen Rozybaqıev kóshesine deıin asfaltbeton jabyndaryn tóseý jumysy toqtatylǵanyn málimdedi.

Jol jóndeý jumystary 4 shilde túngi saǵat 23:00-den 6 shilde tańǵy saǵat 06:00-ge deıin josparlanǵan edi.

«Abaı dańǵylymen 5 shilde kúni marshrýttar ózgerissiz qyzmet kórsetetin bolady. Jol qazǵalysyna engizilgen ózgerister týraly qosymsha aqparat taratamyz»,- dep atap ótti basqarma ókilderi.