Almatyda jańbyr jaýyp, qar kóshkini júrýi múmkin

ALMATY. QazAqparat- Almaty qalasynda demalys kúnderi qatty jaýyn jaýady, dep habarlaıdy QazAqparat tilshisi.

Almaty qalalyq tótenshe jaǵdaılar departamenti taratqan málimetke sáıkes, 11-14 naýryzda Úlken jáne Kishi Almaty ózenderiniń basseınderinde jylymyqtyń áserinen, qar jamylǵysynyń turaqsyz bolýynan jáne qatty jaýyn shashynnyń kútilýine baılanysty qar kóshkini bolýy múmkin.

«Qazirgi ýaqytta Almaty qalasynyń taýlarynda kóshkinderdiń jappaı túsýi baıqalady. Tek sońǵy úsh kúnde 14 qar kóshkini ózdiginen tústi. Abyroı bolǵanda eshkim zardap shekken joq. Mamandar kóshkin qaýpiniń joǵary deńgeıi baıqalady»,- dep habarlady vedomstvodan.

Sınoptıkterdiń boljamynsha, 12 naýryzda qatty jańbyr jaýyp, jeldiń ekpini sekýndyna 15-20 metrge jetedi.