Almatyda jańbyr: turǵyndar kóshede shomylyp júr

ALMATY. QazAqparat – Almatyda jaýyn-shashyn saldarynan Naýryzbaı aýdanynda ornalasqan «Alma sıtı» turǵyn úı keshenin sý basty, dep habarlaıdy QazAqparat tilshisi.

Áleýmettik jelide jaýyn-shashynnyń saldarynan «Alma sıtı» turǵyn úı kesheninde jınalǵan sýǵa maltyp júrgen turǵyndardyń vıdeosy shyqty. Osy oqıǵaǵa baılanysty Naýryzbaı aýdanynyń ákimdigi «Alma sıtı» TK-da sý basý oqıǵasyn joıý boıynsha jedel jumystar júrgizdi.

«Saǵat 18.50 - de «RBS Dorstroı» JShS merdigerlik uıymy jáne qyzmet kórsetetin kompanııanyń kúshimen sý basý joıyldy. Qazir barlyq jaǵdaı baqylaýǵa alyndy, jeliler men irgeles aýmaqty qoqystan tazartý jumystary júrgizilip jatyr», - dep habarlady Almaty ákimdigi.

Aıta keteıik, Almatyda keshendi tekserý kezinde turaqty sý basý ýchaskeleri anyqtalǵan. Ákimdiktiń málimetinshe, 2023-2024 jyldary 201 shaqyrym aryq jelisin modernızatsııalaý aıaqtalady, 100 shaqyrym jańa aryq jelileri salynady, 46 turaqty sý basý ýchaskesi joıylǵan.

Eske salsaq, Astanada jaýyn-shashynnan keıin qalany sý basqan soń «Elorda eco system» dırektory qyzmetinen bosatylǵan bolatyn.