Almatyda jańbyr sýynyń saldaryn joıý úshin 34 patrýldik brıgada kezekshilik etedi
ALMATY. QazAqparat – Almatyda nóser jaýynnyń saldaryn joıý úshin 34 patrýldik brıgada kezekshilik etedi, dep habarlaıdy QazAqparat Almaty ákimdiginiń baspasóz qyzmetine silteme jasap.
Baspasóz qyzmetiniń habarlaýynsha, Almatyda 8 tamyzda jańbyr jaýdy.
Kommýnaldyq ınfraqurylymdy damytý basqarmasynyń málimetinshe, sý basýdyń aldyn alý men onyń saldaryn joıý maqsatynda 52 patrýldy brıgada, 24 motopompa jáne 260 jol qyzmetkerleri tartyldy. 2450 qum salynǵan qap daıyndaldy. Ьasqyn sý basqan jerler tazalandy.
Túngi kezekshilikke 34 patrýldik brıgada, 26 motopompa jáne 102 jol qyzmetkerin túngi kezekshilikke tartý josparlanýda.
Tótenshe jaǵdaılar jónindegi jedel kezekshiniń málimetinshe, sý tasqynyna qatysty azamattardan shaǵym túsken joq.
«Saǵat 19:00-den keıin negizgi sý aǵyny aryq jelileri arqyly qalanyń tómengi bóligine ótti, saǵat 20:00-degi jaǵdaı boıynsha qalada jańbyr sýy joq»,-delingen habarlamada.
