Almatyda jańajyldyq jármeńke maýsymy ashylady
ALMATY. QazAqparat. Almatyda jańajyldyq jármeńkeler qashan jáne qaıda ótetini belgili boldy, dep habarlaıdy QazAqparat tilshisi.
Almaty qalasynyń kásipkerlik jáne ındýstrıaldy-ınnovatsııalyq damý basqarmasynyń habarlaýynsha, Panfılov jáne Jibek Joly jaıaý júrginshiler kóshelerinde birinshi jeltoqsannan bastap jańa jyldyq jármeńkelerdi ashý josparlanýda. Sondaı-aq jármeńkeler «Promenad» SOO men «Spýtnık» SOO-da ótedi.
«Qala turǵyndary men qonaqtary jańa jyldyq syılyqtardy jármeńkelerden alady, óıtkeni kelýshilerge kózdiń jaýyn alatyn ártúrli syılyqtar usynylady: qolóner buıymdary, jańa jyldyq áshekeıler, oıynshyqtar, kádesyılar, áshekeıler, dekoratsııa men ınterer zattary jáne taǵy da basqa syılyqtar», - dep málimdedi basqarmadan.
Sonymen qatar, bes saýda oıyn-saýyq ortalyǵynda jármeńkeleri bar jańajyldyq muz aıdynyn ornatý josparlanýda.
Oljas Omarbek
