Almatyda janarmaı quıylǵan avtotsısterna órtenip jatyr

ALMATY. QazAqparat- Almatyda janar-jaǵarmaı quıylǵan avtotsısterna otqa orandy, dep habarlaıdy QazAqparat tilshisi.

Órttiń vıdeosy áleýmettik jelide tarap jatyr.

Almaty qalalyq tótenshe jaǵdaılar departamentiniń málimetinshe, búgin keshki saǵat 20:20 shamasynda Jetisý aýdanyna qarasty Angarskaıa kóshesi 97 A mekenjaıyndaǵy órt týraly habarlama túsken.

«Tótenshe jaǵdaılar departamentiniń kúshteri men quraldary joǵary rangi boıynsha órt sóndirý jumystaryna jumyldyryldy. Jetisý aýdanynda janar – jaǵarmaı quıylǵan avtotsısterna otqa orandy. Órttiń jaqyn ornalasqan vagon tıpti tsısternalarǵa, rezervýarǵa taralý qaýipi bar»,- dep habarlady vedomstvadan.

Oqıǵa ornynda jeke quram qaýipsizdik sharalaryn saqtaı otyryp jumys istep jatyr. Jedel shtab qurylyp, kórshi rezervýarlardy salqyndatýǵa órt oqpandary berildi.

Órtti sóndirýge 28 tehnıka men jeke quramnyń 80 adamy jumyldyryldy.