Almatyda janarmaı quıý stansysynda tóbeles boldy
ALMATY. QazAqparat – Almaty polıtsııasy janarmaı quıý stansysynda mańyndaǵy tóbelesti tekserýge kiristi, dep habarlaıdy QazAqparat tilshisi.
Áýezov aýdanynda bolǵan oqıǵanyń vıdeosy áleýmettik jelide jarııalanǵan. Eki júrgizýshi janarmaı quıý beketinde kolonkaǵa talasyp jaǵa jyrtysqan.
Bireýiniń qolynda pyshaqqa uqsas zat bolǵan.
Qalalyq polıtsııa departamenti atalǵan oqıǵaǵa baılanysty eshkim aryzdanbaǵanyn habarlady.
«Áleýmettik jelidegi jazbany tekserýge kiristik. Júrgizýshiler janarmaı quıý beketinde kezek bólise almaǵan. Ekeýi de bir-birine zaqym keltirmegen. Ekeýinen de túsinikteme alyndy. Bir-birine aıtar shaǵymy joq. Qolynda pyshaq tektes zat bolǵan er adamnyń isine quqyqtyq baǵa beriletin bolady», - dedi qalalyq PD resmı ókili Saltanat Ázirbek.
Áleýmettik jelilerden alynǵan foto
