Almatyda janarmaı beketine qaraqshylyq shabýyl jasaldy
ALMATY. QazAqparat- Almatylyq polıtseıler qaraqshylyq qylmystyń izin sýytpaı ashty, dep habarlaıdy QazAqparat tilshisi.
Almaty qalalyq Polıtsııa departamentiniń málimetishe, 26 aqpan kúni tańǵy saǵat 04: 00-de Jetisý aýdanynda ornalasqan janarmaı beketine betperde kıgen eki adam qaraqshylyq shabýyl jasady. Olar kassır-operatordy tapanshamen qorqytyp, aqshany alyp ketken.
«Jedel-izdestirý sharalary barysynda 20 men 24 jas aralyǵyndaǵy úsh er adam anyqtaldy. Barlyǵy Túrkistan oblysynyń týmasy. Kúdiktiler qamaýǵa alyndy. Atalǵan fakt QR QK-niń 192 baby, 2 bóligi boıynsha tirkelip, sotqa deıingi tergeý bastaldy. Olar 5 jyldan 10 jylǵa deıin bas bostandyǵynan aıyrylýy múmkin»,- deıdi Jetisý aýdandyq polıtsııa basqarmasy bastyǵynyń mindetin ýaqytsha atqarýshy Ashat Dáýletııarov.
Aıta keteıik, olar kassadan 135 myń teńge alyp ketken.
