Almatyda janarmaı beketinde er adamdy soqqyǵa jyqqan kúdikti ustaldy
ALMATY. QazAqparat - Almatyda janarmaı quıý beketinde belgisiz bireý er adamdy uryp tastady. Kúdikti ustaldy, dep habarlaıdy QazAqparat tilshisi.
Soqqyǵa jyǵylyp, bet-aýzy qanǵa boıalǵan er adamnyń vıdeosy áleýmettik jelide paıda boldy.
Beınejazba avtorynyń aıtýynsha, oqıǵa 6 shilde keshki saǵat 20:00 kezinde B. Momyshuly kóshesimen Rysqulov dańǵylyna jetpeı, Roıal Petrol janarmaı beketinde bolǵan.
Eki jigit kezekti uzaq kúttirip qoıǵan júrgizýshini soqqyǵa jyǵyp, kóligine otyryp ketip qalǵan.
Qalalyq polıtsııa departamentiniń baspasóz qyzmeti bul fakt sotqa deıingi tergeýdiń biryńǵaı tizilimine QR QK 293-baby boıynsha tirkelgenin málim etti.
«33 jastaǵy er adamdy urdy degen kúdikpen 2001 jyly týǵan Sh. esimdi azamat ustaldy. Jábirlenýshige alǵan dene jaraqatynyń aýyrlyǵyn anyqtaý úshin sot-medıtsınalyq saraptama taǵaıyndaldy, onyń nátıjıesi boıynsha protsessýaldyq sheshim qabyldanady», - dep habarlady polıtsııadan.
