Almatyda jańadan bezendirilgen jerasty ótkeliniń qabyrǵasyn búldirip ketken
ALMATY. QazAqparat - Almatyda jańadan jóndelgen jerasty ótpe jolynyń qabyrǵalaryndaǵy barlyq sýretterdi shımaılap ketken jigitti beınebaqylaý kamerasyy túsirip alǵan, dep habarlaıdy QazAqparat tilshisi.
Raıymbek dańǵyly boıynsha ornalasqan jerasty ótpe jolynda ornalasqan kameralar 18 tamyz kúni saǵat tańǵy 04:15-te belgisiz sebeptermen ótpe joldyń qabyrǵasyndaǵy órnekterdi shımaılaǵan jigitti túsirip aldy.
«Bul oqıǵadan birneshe saǵat buryn ǵana bir top sýretshi ótpe joldy bezendirý jumystaryn aıaqtaǵan. Olar birneshe kún boıy talmaı jumys jasady, qabyrǵanyń boıaý keýip te úlgergen joq. Al sýretshilerdiń eńbegin mádenıeti, jaýapkershiligi tómen bir buzaqy kelip búldirip ketedi. Biz úshin ony tabý esh qıyndyq týdyrmaıdy, sebebi ol kameraǵa túsip qalǵan, bet-beınesi anyq kórinedi. Naýryzbaı aýdandyq ІІB qyzmetkerleri azamatty usaq buzaqylyq úshin ákimishilik jaýapkershilikke tartady», - dedi qalalyq ІDD polıtsııasynyń resmı ókili Saltanat Ázirbek.
Onyń aıtýynsha, jóndeýden ótken ótpe joldardyń barlyǵyna beınebaqylaý kameralary qoıylǵan. Bul quqyqbuzýshylyqtar men qylmystardy ashýǵa jáne halyqtyń qaýipsizdigin qamtamasyz etý úshin qajet.
