Almatyda Jańa jyldyq shyrsha merekeleri bastaldy

Búgin qalada Almaty qalasynyń mektepterimen qatar, QR Tuńǵysh Prezıdenti qorynyń jáne aýdan ákimdiginiń shyrshalary da ótip jatyr.

QR Tuńǵysh Prezıdentiniń qory bıyl da birneshe jyldan beri tyǵyz baılanysta kele jatqan dostaryn -Almaty qalasynyń jáne Almaty oblysynyń balalar úıleriniń tárbıelenýshileri men túzetý mektep-ınternattarynyń balalaryn Jańa jyldyq shyrsha merekesine shaqyrdy. Merekege barlyǵy 500-den astam balalar qatysýda. Olarǵa jańa jyldyq «Aıdahardy qolǵa qalaı úıretedi» atty balalar baǵdarlamasy usynylýda. Balalar shyrshany aınala án aıtyp, bı bılep, Aıaz ata men Aqshaqarǵa óz ónerlerin kórsetýde. Sondaı-aq, keremet jańa jyldyq kóńil-kúıdi túrli halyqaralyq baıqaýlardyń laýreattary men dıplomattary, A.V. Seleznev atyndaǵy Almaty horeografııalyq ýchılışesiniń oqýshylary syılaýda. Qonaqtardy myń buralǵan bıshiler, túrli oıyndar, bitpeıtin bı mýzykasy, ár túrli baıqaýlar, eń súıikti ertegi keıipkerlerimen kezdesýler jáne árıne, Aıaz Ata men Aqshaqardan syılyqtar qýantpaq.

Dál qazir, N. Sats atyndaǵy Memlekettik Akademııalyq balalar men jasóspirimderge arnalǵan orys teatryndaÁýezov aýdany ákimdiginiń shyrshasy ótip jatyr. Oǵan aýdandaǵy mektep ınternatynda tárbıelenýshi balalar, ár túrli sebeptermen ata-ana qamqorlyǵynsyz qalǵan balalar men áleýmettik jaǵdaıy nashar otbasylardyń balalary qatysýda. Merekelik sharaǵa Áýezov aýdanynyń ákimi Bekqalı Torǵaev qatysyp, balalardy Jańa Jyl merekesimen quttyqtap, óz izgi tilegin bildirdi. Merekelik shyrsha sońynda barlyq balaǵa Aıaz Ata men Aqshaqardyń syılyqtary tabystalatyn bolady.