Almatyda jańa jyldyq bas shyrshanyń alaýy saltanatty túrde jandy
Y. Jeltoqsannyń 2-si. QazAqparat /Ádilet Musahaev/ - Keshe Almatyda Astana alańyndaǵy jańa jyldyq bas shyrshanyń alaýy saltanatty túrde jandy,
dep habarlaıdy QazAqparat.
Atalǵan sharaǵa Almaty qalasynyń ákimi Ahmetjan Esimov, KSRO halyq ártisi Bıbigúl Tólegenova, aqyn Kadyr Myrza Álı, «Qazaqstan - 2009» arýy Symbat Madııarova qatysty.
Qala ákimi úlken megapolıs turǵyndary men qonaqtardy aldaǵy kele jatqan jańa jylmen quttyqtap, jańa tabystar tiledi. «Jańa jylmen biz qashanda jańa úmitter men jaqsylyqtardy baılanystyramyz. Aldaǵy jańa jylda barlyq armandarymyz ben batyl josparlarymyz júzege asatyn bolsyn. Sizderge baqyt pen mahabbat tileımin», dedi qala ákimi Ahmetjan Esimov.
Keshki saǵat 19.00-de qalanyń bas shyrshasymen qatar barlyq jeti aýdandaǵy shyrshalar da samaladaı jarqyrap qoıa berdi. Astana alańynda qala qonaqtary men balalar úshin teatrlandyrylǵan qoıylym kórsetildi, munda Aıaz ata men Aqsha qar jáne ertegiler áleminiń basqa da keıpkerleri boldy. Bul mádenı sharaǵa balalar úıi men turmysy tómen otbasylarynan 1000 bala qatysty.
Shara sońynda qala ákimi Almatynyń aldaǵy jańa jylǵa daıyndyǵymen tanysty. Qazrigi kezde qalada 17 jańa jyldyq shyrsha ornatylǵan.
Qalanyń barlyq qurylymdary, kásiporyndar men mekemeler jańa jyldyq bezendirý jumystaryn júrgizýde, sonymen qatar olar «Eń úzdik jańa jyldyq bezendirý» baıqaýyna da qatysýda. Onyń qorytyndysy aldymen aýdandarda, artynan qala boıynsha shyǵatyn bolady.
