Almatyda jańa jyl túninde aıýandyqpen adam sabaǵan kúdikti ustaldy
ALMATY. QazAqparat - Almaty polıtseıleri jańa jyl túni «Safına» dámhanasynyń mańynda bolǵan tóbeleske qatysy bar kúdiktini ustady, dep habarlaıdy «QazAqparat» HAA tilshisi.
Áleýmettik jelilerge tarap ketken tóbelestiń vıdeosy qoǵamda biraz shý týdyrǵan bolatyn. Belgili bolǵandaı, dámhanadan shyqqan úsh jigit mańaıda turǵan eki adamdy aıaýsyz soqqyǵa jyǵady. Olar qulap jatqan dármensiz adamdardy tepkilep, arasha túsken adamdarǵa da judyryq jumsaıdy.
«Barlyq kúdiktilerdiń aty-jónderi anyqtaldy. Ustalǵan kúdikti 1985 jyly týǵan, Jambyl oblysynyń azamaty. Onyń buryn adam óltirgeni úshin sotty bolǵanyn aıta keteıik. Qalǵan kúdiktiler izdestirilý ústinde», - dep habarlady Almaty ІІD polıtsııa polkovnıgi Janbolat Zıadın.
