Almatyda Jańa jyl túninde avtobólshek urlaǵan 60 adam ustaldy
ALMATY. QazAqparat - Almaty polıtsııasy jańa jyl túninde avtobólshekter urlyǵynyń aldyn alý maqsatynda bazarlarda reıd júrgizdi, dep habarlaıdy QazAqparat tilshisi qalalyq Polıtsııa departamentiniń baspasóz qyzmetine silteme jasap.
«Birneshe saýda úıinde tekserý júrgizdik. Tekserý barysynda qoldanysta bolǵan 33 akkýmýlıator, 1 vıdeotirkeýish, 6 aına, jeńil kóliktiń 20 fary, 6 artqy sham jáne taǵy basqa bólshekter tárkilendi. Sonymen qatar, 118 ákimshilik quqyqbuzýshylyq bolǵany anyqtaldy. Terrıtorıaldyq bólimshelerge 60 adam, onyń ishinde 3 shetel azamaty jetkizildi», - dedi qalalyq Polıtsııa departamentiniń Qylmystyq polıtsııa basqarmasynyń basshysy, polıtsııa podpolkovnıgi Esen Ysqaqov.
Polıtsııa departamenti osyndaı tekserý sharalaryn saýdagerler qoldanysta bolǵan avtobólshekterdi qujatsyz qabyldaýdan bas tartqanǵa deıin jalǵastyra bermek.
Urlanǵan bólshekterdi satyp alǵany úshin kásipkerler Qazaqstanda QR QK 196-baby boıynsha jazalanady.
