Almatyda jańa jyl túni eki úıdiń balkony órtendi
ALMATY. QazAqparat - Almatyda eki úıdiń balkonynda órt boldy, dep habarlaıdy QazAqparat tilshisi.
Qalalyq TJD málimeti boıynsha, búgin 00:13-te "101" nómirine Almaly aýdany Brýsılovskıı kóshesi 56-úıdiń 43 jáne 55 páterleriniń balkondary janyp jatqandyǵy jaıly aqparat kelip tústi.
«Órt sóndirý mashınasy oqıǵa ornyna 6 mınýttan soń bardy, 00:19-da. 00:55-te órt tolyq sóndirildi» delingen TJD resmı ókili Sandýǵash Baımuhambetova joldaǵan málimette.
Tilsiz jaý 10 sharshy metr aýmaqty sharpyǵan. Japa shekkender bolǵan joq.
