Almatyda Jańa jyl merekesine oraı qandaı mádenı sharalar ótedi
ALMATY. QazAqparat - 25 jeltoqsannan qańtar aıynyń sońyna deıin megapolıste 60-tan astam túrli is shara ótedi.
Onyń ishinde balalarǵa arnalǵan erteńgilikter, teatr qoılymdary, kontsertter bar, dep habarlaıdy QazAqparat tilshisi.
Jańa jylǵa arnalǵan mádenı is-sharalardyń baǵdarlamasymen Almaty qalalyq mádenıet basqarmasynyń Instagram paraqshasynan tanysýǵa bolady.
Almaty qalasynyń mádenıet basqarmasy sanıtarlyq- epıdemıologııalyq jaǵdaıdyń shıelenisýine jáne «omıkron» shtamynyń taralý qaýpine baılanysty saqtyq sharalaryn saqtaýdy eske salady.
«Almatylyqtarǵa vaktsınatsııany jalǵastyrý kerek, al buryn egilgender revaktsınatsııadan ótý qajet. Vaktsınatsııa pýnkteri jumysyn jalǵastyrady»- delingen jazbada.
Aıta keteıik, 20 jeltoqsan kúni Almatyda bas shyrshanyń shamdary jaǵyldy.
Jańa jyldyń basty sımvolynyń bıiktigi – 20 metr. Bas shyrsha jaryqdıod gırlıandalarmen, jańajyldyq oıynshyqtarmen bezendirilgen.
